အမဲလိုက်ရင်း သစ်ခေါင်းထဲမှာ မမ်မီဖြစ်သွားရှာတဲ့ခွေးကို လူအများစိတ်ဝင်စားနေ

လွန်ခဲ့တဲ့ နှစ်(၂၀)ခန့်က အမဲလိုက်ရင်း သစ်ခေါင်းထဲမှာ ပိတ်မိပြီး မမ်မီရုပ်အလောင်းဖြစ်သွားခဲ့ရှာတဲ့ ခွေးရုပ်ကြွင်းကို သစ်တောဝန်ထမ်းတွေက ရှာဖွေတွေ့ရှိခဲ့ပါတယ်။ သစ်ခေါင်းထဲမှာ သေဆုံးသွားခဲ့တဲ့ ခွေးရုပ်ကြွင်းကို (၁၉၈၀)ခုနှစ်မှာ အမေရိကန်ရှိ Kraft လုပ်ငန်းစုက သစ်တောဝန်ထမ်းတွေကတွေ့ရှိခဲ့တာပါ။


သစ်ပင်ရဲ့ အပေါ်ဘက်မှာ ကပ်နေတာကို တွေ့ရှိခဲ့တာဖြစ်ပြီး တွေ့ရှိခဲ့သူတွေက ၎င်းကို သစ်ဖြတ်စက်ဆီ မပို့ဘဲ ဂျော်ဂျီယာရဲ့ သစ်တောပြတိုက်သို့ လှူခဲ့ပါတယ်။ (၂၀၀၂)ခုနှစ်က နာမည်ပေးပြိုင်ပွဲမှာတော့ ၎င်းမမ်မီခွေးကို “Stuckie” လို့ နာမည်ပေးခဲ့ကြပါတယ်။ Stuckie ဟာ သစ်တောသမားတွေ ရှာမတွေ့ခင် လွန်ခဲ့တဲ့ နှစ် (၂၀)ကတည်းက သေဆုံးနေတာဖြစ်နိုင်ကြောင်း ခန့်မှန်းထားကြပါတယ်။


Stuckie ဟာ အမဲလိုက်ရင်း သစ်ခေါင်းထဲကို လျှိုဝင်ခဲ့ပြီး (၂၈)ပေအမြင့်အထိ တိုးတက်ခဲ့ပေမယ့် ညပ်သွားခဲ့တာဖြစ်နိုင်ကြောင်း ပညာရှင်တွေက ကောက်ချက်ချကြပါတယ်။ သစ်ခေါင်းထဲမှာ ညပ်ပြီး ဆာလောင်သေဆုံးသွားခဲ့တဲ့ ခွေးဟာ မပုပ်သိုးသွားဘဲ မမ်မီဖြစ်သွားရတဲ့အကြောင်းကတော့ မီးခိုးခေါင်းတိုင်ကနေ အပေါ်ဘက်ကို အငွေ့ထုတ်လွှတ်တဲ့ Chimney Effect နဲ့ဆင်တူပါတယ်။


အလောင်းရဲ့ အနံ့က သစ်ခေါင်းထဲကနေ လေအပေါ်ဘက်ကို တက်သွားတာကြောင့် ဓာတ်ဖြိုခွဲမယ့် အင်းဆက်နဲ့ အခြားသတ္တဝါတွေက သူ့အလောင်းရဲ့အနံ့ကို မရတော့ဘဲ အလောင်းကို လာရောက် မစားသုံးခဲ့ကြပါဘူး။ သစ်ခေါက်ကလည်း အစိုဓာတ်ကို စုပ်ယူတဲ့ ပစ္စည်းဖြစ်တာကြောင့် ခွေးရုပ်ကြွင်းဟာ မပြိုကွဲပဲ ပိုမာလာခဲ့ပါတယ်။ ဒီလိုနဲ့ပဲ Stuckie ဟာ သဘာဝတရားက ပြုလုပ်ခဲ့တဲ့ မမ်မီဖြစ်လာပါတော့တယ်။

လူတွေက ပြတိုက်မန်နေဂျာ Brandy Stevenson ကိုခွေးက ဘာကြောင့် သစ်ခေါင်းထဲ ဝင်နေခဲ့လဲလို့ မေးတိုင်း Brandy က “သူက ခွေးပဲ၊ ရက်ကွန်းတစ်ကောင်ကောင်ကို လိုက်နေခဲ့တာဖြစ်မှာပေါ့” လို့ပြန်ဖြေလေ့ရှိပြီး အဲ့လိုဖြေလိုက်တိုင်းလည်း လူတွေက “သနားစရာကောင်းလိုက်တာ” လို့သာ ပြန်ပြောနိုင်ကြပါတယ်။

Ref: Dailymail UK