ဒါရိုက်တာမိုက်တီးနဲ့ ပတ်သက်ပြီး မူးယစ်ဆေးအကြောင်းကို ပြောပြလာတဲ့ ကျော်သူ
ပီးခဲ့တဲ့ရက်သတ္တပတ်ကတော့ အနုပညာရှင်တစ်ချို့ မူးယစ်ဆေးသုံးစွဲမှု တွေ့ရှိမှုတွေနဲ့ ဖမ်းခံရတဲ့ သတင်းတွေကတော့ သတင်းကြီးတစ်ရပ်ဖြစ်ခဲ့ပါတယ်။ ဒီလိုအနုပညာရှင်အချို့ဖမ်းဆီးခံရမှုတွင် နာမည်ကြီးဒါရိုက်တာ တယောက်ဖြစ်တဲ့ မိုက်တီးလည်း မူးယစ်ဆေးတွေ့ရှိမှုနဲ့ ဖမ်းခံခဲ့ရပါတယ်။ ဒါကြောင့် ဒါရိုက်တာမိုက်တီးနဲ့ ပတ်သက်ပြီး ဝါရင့်သရုပ်ဆောင် လက်ရှိပရဟိတ သမားကြီး ကျော်သူကတော့ သူ့ညီလို ချစ်ခင်ရတဲ့ ဒါရိုက်တာမိုက်တီးနဲ့ ပတ်သက်ပြီး ပြောကြားသွားခဲ့ကာ သူ့ရဲ့အတွေ့အကြုံတွေကိုလည်းပြောကြားသွားခဲ့ပါတယ်။
ကျော်သူကတော့ MC နဲ့ အင်တာဗျူးမှာတော့ ဒါရိုက်တာမိုက်တီးနဲ့ ပတ်သက်ပြီး “တကယ်တော့ စိတ်မကောင်းစရာပါပဲ။ မိုက်တီးနဲ့ ပတ်သက်ပြီး ကျွန်တော့်သားလို့ ကျွန်တော်ညီလို ကျွန်တော်ချစ်တယ်။ သူ့ရဲ့အနုပညာကိုလည်းလေးစားတယ်။ ဒါကြောင့် အခုလိုဖြစ်သွားတဲ့အတွက် တော်တော်လေး ဝမ်းနည်းတယ်။ ဘယ်သူကပဲ ချောက်တွန်းတယ် ပြောပြော၊ အဓိကကတော့ ကိုယ်မလုပ်ကြဖို့ အရေးကြီးတာပဲ။ တချို့ဆေးမှုနဲ့ ထောင်ကျပြီး ပြန်ထွက်လာတယ်။ ပြန်လုပ်တယ်လို့ ကြားနေရတယ်။ ကျွန်တော်ကတော့ လုံးဝကို မလုပ်ဖို့တောင်းပန်ပါတယ်။
ကလေးငယ်တွေလည်း စမ်းပြီးတော့ မလုပ်ပါနဲ့။ ဒါဟာ မြန်မာလူမျိုးတစ်မျိုးလုံးကို လူညွှန့်ချိုးတဲ့ ကိစ္စ ဒါကိုရောင်းဝယ်ဖောက်ကားတဲ့သူကလည်း တော်တော်ကို ငရဲကြီးတာပါ။ အခုခေတ်ကြီးမှာတော့ အပယ်ငရဲဆိုတာကကြီးကို မသိကြတော့ပါဘူး။ ဒါတွေဟာသေခါနီးကျမှ သိမှာလေ။ အဲ့ချိန်မှလည်း ဘယ်သူမှ ကယ်ပါဦးဆိုပြီး လုပ်လို့မရပါဘူး။ အကုသိုလ် မကြောက်ဘူးဆိုရင်တော့ ရောင်းကျပေါ့သောက်ကျပေါ့။ ကျွန်တော်လည်း အတတ်နိုင်ဆုံး လိုက်လုပ်နေတာပဲ။
မန္တလေးမှာလည်း ကျွန်တော့် ကိုယ်တွေ့အဖြစ်လေးကို ပြောပြီးတဲ့အချိန်မှာ ကလေးမိဘတွေ ကျွန်တော့်ဆီကို ရောက်လာပါတယ်။ ကျွန်မတို့သားတွေ မူးယစ်ဆေးစွဲနေကြတယ်ပေါ့။ ဘယ်လိုလုပ်မလည်းဆိုတော့ ကျွန်တော့်ဆီခေါ်လာခဲ့လို့ ကျွန်တေ်ာပြောပါတယ်။ တကယ်လာလိုက်တဲ့သူတွေကလည်း တကယ့်ပညာတတ်တွေ ဆရာဝန်တွေတောင်ပါပါတယ်။ ဆရာဝန်အဆင့်က အစ မူးယစ်ဆေးချနေကြတယ်။ မူးယစ်ဆေးအစား ပရဟိတကို စမ်းလုပ်ကြည့်ကြပါ။ ပရဟိတစွဲသွားတာက ကိုယ့်အတွက်တကယ့်ကို အကောင်းဆုံးပါပဲ။ အဲ့ဒါကို လုပ်ကြည့်ပါ။
မူးယစ်ဆေးကတော့ ဖမ်းခံရတုန်းခဏပဲ ပြတ်မှာပဲ။ ပြန်ထွက်လာရင် သွေးသားတောင်းဆိုမှုကြောင့် လုပ်ကြမှာပဲ။ ကျွန်တော်ဆိုလည်း ပရဟိတတွေလုပ်တယ်။ ဘာသာရေးတွေကို လုပ်တာကြောင့် ဒီမူးယစ်ဆေးကို သုံးစွဲဖို့အတွက် စိတ်မပါတော့ပါဘူး။ ကျွန်တော်အရက်ဖြတ်တုန်းကလည်း အဆိုးဆုံးကတော့ ပြတ်ခါစအချိန်ပါပဲ။ အနှောက်အယှက်အမျိုးမျိုးလာမယ်။ သောက်ပါဦးလာပါဦးဆိုပြီး ပြောတဲ့သူတွေလာမယ်။ ညစာစားပွဲတွေ ဖိတ်တယ်။ ကျွန်တော်ဘယ်မှကို မသွားတော့ဘူး။ ကျွန်တော့်ိကု သီတင်းကျွတ်လာကန်တော့တယ်။ အရက်ပုလင်းတွေနဲ့ ဒီတိုင်းပဲ ထားထားလိုက်ပါတယ်။ တခုခုကို ပြတ်အောင် လုပ်တော့မယ်ဆိုရင် အဲ့ဒါက်ု ပြန်လည်းမစမ်းဘူး။ လှည့်လည်းမကြည့်ဘူး။ အဲ့အချက်နဲ့တင် ကိုယ့်ကိုကိုယ်လေးစားသွားပြီ။
မူးယစ်ဆေးသုံးစွဲနေသူတွေက လိမ်ဖို့ ဝန်မလေးကျပါဘူး။ မူးယစ်ဆေးလိုပြီဆိုရင် သူများပစ္စည်းခိုးတော့မယ်။ သတ်စရာရှိသတ်တော့မယ်။ ကိုယ့်ကိုကိုယ်လည်း လိမ်မယ်။ ဒီဟာတွေ လုပ်တာကလည်း ကံငါးပါးမလုံပါဘူး။ ဒါကြောင့် ကံငါးပါးလုံဖို့အတွက် ဒါတွေကို ထိန်းရပါမယ်။ ကံငါးပါးလုံဖို့ကလည်း တကူးတက လုပ်စရာမလိုပါဘူး။ အရာအားလုံး သူ့နေရာနဲ့ သူ အဆင်ပြေပြေနေရင် ရပါပြီ။ ဒါကြောင့်မူးယစ်ဆေးကို လုံးဝ မသုံးကြပါနဲ့။ မကောင်းတဲ့အရာတွေကို ဖြတ်ဖို့ ကြိုးစားရပါမယ်။ ဒါတွေကို ဖြတ်လိုက်ရင်တော့ စိတ်ကလုံးဝ ကြည်လင်သွားမယ်။ ပတ်ဝန်းကျင်မှာလည်း လူလို့ အသိအမှတ်ပြုခံရပါလိမ့်မယ်” ဟုေပြောကြားသွားခဲ့ပါတယ်။
Comments
Post a Comment